عادية جدا

_ عاملين فاهمين وانتم شوية بقر
قالها عمى محمد بثبات الأولياء ، جاب التائهة وحطها امامنا 
_ فيه مادة ح تساوى الرجالة و الستات  .............................
..................... يعنى الست تتساوى فى كل حاجة مع الواحد ، الميراث مثلا ...................
..................
حاولت التوضيح له ان البند يعنى مساواتها اجتماعيا ، وظائفيا مثلا ، وهكذا ، لكنه سدد لكمته التالية مباشرة وبلا تمهيد 
_ والست ح تتجوز اربعة زى الرجل تمام 
_ يا رااااااااااااااااااااااااااااااجل 
 صرخت بها عفويا وبلا قصد ، بينما انقلب باقى الجلوس على ظهورهم ضاحكون 
_ عاملين فاهمين ............. وبيقولو صوت ، اصوات ازاى 
_ يعنى الواحد يقوم م النوم مايلاقيش مراته ويلاقيها فى حضن الزوج التانى ، او التالت ،طيب بخصوص ملك اليمين يا عم محمد 
_ تتريق بروح ابوك ، اقرا الدستور
طبعا عمى محمد له ابن يحمل تضليل الفكرة الاخوانية ، وطبعا هو يسمع عنه اقوال كهذه او ربما يسمعها من غيره ، وطبعا هو لا يقرأ اللهم الا اذا فتح المصحف وجميع مفاهيمه يستقيها من قعدات مثل هذه ، 
_ عاملين فاهمين وانتم شوية حمير 
_ خلينا ف الدستور يا عم محمد ، ح تروح تصوت 

_ يصوتو عليك ف يوم اسود ، بقولك يا اعمى النظر الواحدة ح تتجوز اربعة ، وتقول لى اصوت 
_ معك حق يا عم محمد ، اللى زيى وزيك موش المفروض يصوتو ، نلطم احسن